المعـتــــزة بـدينـــها

يا حرام شو اللؤم والظلم هاد كله ، والده بده يموت وعم يعملوا هيك ؟!

مش عارفة كيف احنا بنسكت على كل هاد؟! اللي بصير في مصر مع المدونين مش معقول وجد لازم يكون في اتحاد يحميهم من النظام الفاسد والقانون الظالم.

ربنا معاه ويخرج من السجن ليظل يكتب بيننا
الى متى سوف نظل هكذا مش عارف
انتى بتقولى مبروك جمال وخديجه مبروك على ايه والناس مش لقيه شقه فى بلدها
وزى ماقالت حلا لازم يكون فيه اتحاد يحميهم من النظام الفاسد والقانون الظالم
لكن اذا اتكلم اى شخص منا حيكون مصيره زى عبدالمنعم
يعنى حيروح وراء الشمس مش حيخرج تانى اذا قال نظام فاسد ولا اتكلم عن السياسه
تحياتى لكى

عزيزتى ايمان حسان..
شكراللزياره..
قرات تعليق ابنتى < حلا طه >..
واقول لها مصر بخير ..ونحن نحترم القانون..
لانه منحنا حق التظاهر السلمى..ولكننا مع الاسف اهملنا هذا الحق وتمسكنا بالبكاء والعويل على اللبن المسكوب..
اما عن اقامة اتحاد فهو موجود بالفعل..ويراسه الان د/شادى كسكين.من السويد
وقد طرحت فكرة انشاءاتحاد المدونين العرب
قبل ان يتبناها الدكتور شادى فى مقالة بعنوان < الاخوة المدونين ما رايكم >
وبصفتى عضوا فى الاتحاد..فانا اناشد رئيس الاتحاد باتخاذ الازم لتنظيم مسيرة سلمية وغير مخالفة للقانون..للمطالبه بحماية المدونين من الاعتقال التعسفى الحاجب لحرية التعبير..والذى ليس له اى مبرر قانونى..
واعمالا لحرية الراى والمشورة..فعلى كل من يؤيد الفكره ويرغب فى الانضمام الى المسيره فعليه ان يبدى موافقته صراحة..
حتى يكتمل العدد كمايكون جديرا بلفت انظار الساده المسؤولين على احترام مطالبناالعادله..

أختي الغالية ايمان ...

بقيت أخاف من مصر وأنا من أكثر من اثنى عشر سنة ما عبرتها ولا زرتها .. صحيح نسيت مصر وكيفية التعامل فيها ..

حزينة جدا أنا من أجل صوت مخنوق في مصر .. لا يستطيع أن يهمس بالمطالبة بحق مكتسب له ..

من حق المصريين بعد كل هذه الحروب اللي خاضوها وبعد كل سنوات الاحتلال البغيضة اللي عاشوها ييجي يوم المصريين يشعروا بأنهم في بلدهم من حقهم كل شيء ..

الأجيال في مصر بتسلم لبعضها احتلال وراء احتلال .. في نظري أقسى أنواع الاحتلال هو احتلال الذات .. احتلال المواطن للمواطن في كل مقدراته ..

شو بدنا نحارب ؟ .. أهلنا واخوتنا .. لو لا سمح الله الشعب لم يتحد راح تصير فتنة صعب اخمادها خاصة في جمهورية كبيرة متل مصر ..

المشكلة الفتنة أيضا بتكون داخلية مش متلنا احنا الفتنة هي عبارة عن عمالة بتغير الزي من أجل القتل واثارة الفتنةوالشغب .. يعني اللي يحركها اسرائيل ..

الفرق كبير جدا .. لكن لازم الشعب يقول كلمته .. يختار مين يحكمه بنفسه .. صحيح ايمان شو هاي يسموها ؟؟ راح روح البحر أدور عليها .. أصله احنا رميناها في بحر غزة من يوم ما استعملناها في الانتخابات لاختيارنا لحكومتنا الوطنية افتكرناها حقيقة طلعت فخ وقعتنا بحصار .. بس شو حصار ؟ .. الله لا يوريكم ..

تحياتي لك مع احترامي وتقديري..

سيتزوج ابن الرئيس ويسعد ويطمئن الي جوار زوجته ولكن
هل سيطئمن قلبه يوم أن يسأله ربه عن منعم وعن مليون منعم آخر
هل سيجد رداً عن الفساد المنتشر أو السرقات المتزايدة او التعذيب المتفشي أو الظلم الحالك
ربنا يسهله ويجد رداً لأنه لن يجد عز ولا كمال ولا أتخن قاضي يرد له شيء

الف مبروك لجيمى وخديجه بالرفاء والبنين ان شاء الله وعقبالى يا رب
شدو حيلكو يا ولاد عشان تجيبولنا رئيس صغير نفرح بيه
الشعب كله ينتظر مبارك الحفيد عشان يطمئن على استقرار الحكم فى مصر وربنا ياخد اللى فى بالى
اما عبد المنعم فمعاه ربنا
ومش لازم نعكر صفو الاسره الحاكمه بتفاهات زى دى
ومش معقول تقارنى ابن رئيس الجمهوريه اللى البلد كلها فى كرشه بواحد ابوه راجل غلبان كل امنيته فى الدنيا انه يشوفه ناجح ويجوزه ويفرح باولاده
ايش جاب لجاب
صحيح يا ايمان عندى ملاحظه صغيره
القرءان اللى فى موقعك جزاكى الله كل خير عنه
لكن وجهة نظرى التى تحتمل الصواب والخطأ ان من الافضل عدم تشغيله لان عند فتح الصفحه بيكون الصوت متقطع عشان التحميل يعنى مش بنسمع اية على بعضها ومش عارف هل يجوز تشغيل القرءان الكريم بهذه الطريقه ام لا
على العموم ان شاء الله ليكى الاجر والثواب

ألف مبروك ..
بس مش لجمال طبعا ..
أنا قصدي عودتك لمدونتك هذه ..
قوليلي بقى .. أنا ليه محدش قالي إنك رجعتي ليها ..

أنا زعلان ..

الجميله اوى ايمان حسان
اولا الف مبروك عودتك للمدونه
نورتى يا قمر
ومش هقول مبروك لجمال لان جوازه مش هينفعنا بحاجه
هو يتجوز ويخلف واحنا يورثونا ليهم ولاحفادهم ولو حد فينا اتكلم طبعا انتى عارفه مصيره هيبقى ايه
وانا بضم صوتى لصوتك وبقول لا للفساد وللظلم المنتشر فى كل مكان بلا استثناء
واللهم فك سجن عبد المنعم محمود وفك سجن كل مظلوم وفك سجن مصر
اللهم اشفى والد عبد المنعم محمود وصبر اهله كلهم
آمين يا رب العالمين
دمتى بالخير يا ايمى يا جميله
ومره تانيه حمد الله على سلامتك
اختك فطومه

صديقتى الغالية حلا وأغلا من الغلا

إحنا مش بنسكت على الظلم ، بنتكلم ونقول لكن بعد بنقول مصيرنا معروف واسألى أى مصرى .
أما بالنسبة للإتحاد اللى ممكن يحمينا أعتقد إنه صعب وإلا كان قدر يحمى منعم وكمان نواب مجلس الشعب اللى غنقبض عليهم لأنهم من الإخوان ، صحيح تم الإفراج عنهم لكن ربنا يستر فى اللى جاى .

دعواتك يا حلا لمنعم وكل إنسان مظلوم ومقهور وحقة مهدور بكل الدنيا .

الشاعر الرومانسى / وحيــد

تصور يا وحيد إن جمال شقته ثمنها 6 مليون دولار !!!
يا ترى يطلعوا كام بريزة دول ؟؟؟!!! هههههه
مش عارفة من أين لك هذا يا جيمى ؟؟!!!
ولو وفكناهم ووزعناهم على شباب مصر ممكن يجوزوا كام واحد ؟؟!!!!
عرفت بقى يا وحيد سبب التحرشات الجنسية اللى عملها الشباب فى العيد إية
عرفت سبب إرتفاع نسبة العنوسة فى مصر إية
عرفت سبب البطالة فى مصر وإدمان الشباب والإرهاب والبلاوى اللى فى مصر إية

السبب إن خير البلد مع أصحاب الجلالة العائلة المالكة فقط ، هما بس اللى حقهم يتجوزوا ويخلفوا ويورثوا الحكم .


لك الله يا مصر .

أخى الفاضل / أحمدعبدالغفارحسن

أنا سعيدة جدآ بوجودك وتعليقك القيم جدآ .
لكن أحب أستفسر عن بعض الأشياء لأنى بجد مش فاهمة وأحب إن حضرتك تفهمنى كعضو فى الإتحاد الذى يرأسة الدكتور شادى كسكين .

1- أين مقر هذا الإتحاد ؟
2- شروط الإنضمام له كأعضاء وكيف أنضم له ؟
3- أهدافة ؟
4- إزاى ممكن يحمى المدون المصرى وبلاش نقول العربى ؟
5- ليه مقدرش يحمى عبد المنعم محمود وقبل منه عبد الكريم عامر ؟
باختصار عاوزة أعرف أهمية هذا الإتحاد .

وأشكرك لحضورك المتميز الذى شرفت به .

كيف أنطق بكلمه وقد قال واحد مش فاهم حاجة:
http://hawkegypt.blogspot.com/2007/04/blog-post_14.html

كيف امتلكتى تلك الجرأة؟؟ .. أم لأنه كلما وُجد الظلم .. هانت النفس!!

ايمان .. ابقى على ثورتك .. ابقى عليها مشتعله .. قوية .. لا تحركها نسمات الريح العاتيه .. واعتنى بنفسك قليلاً .. فلن أقل لكى لا تنعزلى عن بلوجر .. بل كونى معهم .. فلهم الشرف لأن شخصل مثل عبدالمنعم كان يُطارد أمنياً ..
أجمل شئ كشفه إعتقاله لنا: هو أن مدونته لازلت تحيا معنا .. إنها رسالة صريحة .. لن تستطيعوا أن تخرسونا .. والله لن تستطيعوا أن تخرسوا الملايين من دعاة الحق حول العالم ..

ولكنى أستعجب .. مالى لا أسمع لجماعته حساً؟

(مادز- بجوار سور الصين العظيم)

نسيت اعرض اسم بلدى فى التعليق اللى فات!

:)

ضحكتنى يا مادز لما شفت اسم العلم تفتكر يعنى مش حيعرفو يجيبوك الجماعه دول عارفينك حتعمل ايه بكره ياصديقى حتى لو اخترت الاعلام كلها
وهل يخفى القمر مادز
مادز من امام سور الصين العظيم
حلوه
تحياتى

أختى وصديقتى الغالية / إشتياق

مصر بخير يا سيدتى الغالية بشعبها وناسها الطيبين المظلومين المكبوتين المخنوقين اللى لسانهم سقط منهم فى جوفهم ومش عارفين يطلعوة .
تعددت طرق الإحتلال ولكن الإحتلال واحد .
مصر جمهورية إلى الأن لكن الإحتمال الأكبر إنها تصبح مملكة والحكم فيها يكون بالوراثة ودة اللى مستحيل نقبلة حتى لو على حساب حياتنا ، لسه فاضل عندنا روح نقاوم بيها .
والفتنة عندنا كمان اللى يحركها الأمريكان ، يعنى حالنا وحالكم واحد يا غالية .
أما إن الشعب يختار اللى يحكمة فأعتقد إن دى ديمقراطية أفتكر إن المصريين سمعوا عنها لكن لا أعتقد إنه مارس الحق دة فى يوم من الأيام ، ربما أكون مخطأة ولكن أنا عن نفسى محصليش الشرف .
أنا سمعت عن الديمقامراطية ولها حزب شهير عندنا إسمة الحزب الواطى الديمقامراتى .
دمت يا غالية بكل ود وعلى رأى مادز الغالى



تصبحى على وطن جميل .

صديقى الحائر فى دنيا الله

الناس دى ماتعرفش الكلام اللى بتتكلم عنه حضرتك ، الناس دى عايشة وفاكرة إن العمر كله خلود وحب وسعادة وراحة بال وفى إعتقادهم إن ( أيان يوم القيامة )
لما يبقى ييجى يوم القيامة بقى حلنى ، مش عارفين إن إسرافيل الملك الموكل من الله عز وجل بالنفخ فى الصور ، ينظر دائماً إلى عرش الملك جل وعلا لا يطرف بعينه منذ أن خلقه الله ، مستعد للأمر من الملك في أي لحظة من اللحظات .
ربنا يرحمنا ويفك أسر منعم ومصر كلها .
أشكرك أستاذى الفاضل لوجودك الذى أسعدنى كثيرآ .
دمت فى حفظ الله وآمنة .

الف مبروك للعروسين ولا عزاء للشعب الجميل ربنا يكون فى عونا لو كانوا بجد مصدقين ان ليهم شعبية كانوا اعلنوا عن الفرح على الملا وعرف بيه كل قاصى ودان بس هما عارفين الحقيقة وبيضحكو على نفسهم

إيمى الجميلة
ألف مبروك علي شعبنا الملكيه بكل ما بها من ديكتاتورية
والله انا نسيت ..
أقصد ديمقراطية ..
لالا
مش ديمقراطية
أقصد بظواطيه
يعنى ايه؟؟
والله ما أنا عارفه
الظاهر اننا كلنا هنهلوس .. خلاص
كل اللي بيحصل دلوقت هيخلينا نهلوس
تحياتي ايمان علي جرأتك
امنياتي لمصر بالخلاص
ولك بالسعادة

لماذا كل التحامل سيدتي

حمادة صديقى العزيز
عقبالك يا رب وأشوفك عريس ونعملك فرح فى جيران محصلش هههه بس إوعى ما تعزمنيش .
وربنا إن شاء الله هياخد اللى فى بالك وبالنا كلنا ، أمال يعنى هايروح فين ما هو دة اللى ربنا قال فيه ( وقودها الناس والحجارة ) هما دول بقى وقودها .
أنا كمان مش بقارن منعم ووالدة بجمال واللى جاب جمال ، لأن منعم ووالدة أرقى من كدة ومفيش أساسآ وجه مقارنة بينهم .

وأشكرك على معلومتك بشأن القرآن اللى فى المدونة وأنا لم أكن أعلم إنه الصوت مش مضبوط لأنه بيكون عندى كويس على أى حال أنا حذفته .
جزانا وإياكم وشكرآ يا حمادة على تواصلك الجميل جدآآآآ .
دمت بكل خير يا صديقى العزيز .

دكتور محمد محمود أبوشوشـــة

بجد بجد ليك حق تزعل بس والله مش مقصودة ، أنا كنت ناوية أزور كل أصدقائى لكن بمجرد ما كتبت الموضوع سافرت الصين مع مادز .
أكيد راح أزورك ضرورى لأنى عاوزة أعرف الأتوبيس طلع بيروح فين هههه
أشكرك يا غالى لسؤالك وزيارتك الجميلة .
دمت متألقآ .

فطومة الجميلة

أنا سعيدة جدآ بمعرفتى بك عن قرب وسعيدة لأنى إكتسبت أخت وصديقة أعتز بصداقتها جدآ .
ربنا يتقبل منك الدعاء يا فطوم ويفك سجن منعم وسجن مصر كلها .

دمت صديقتى فى حفظ الله وآمنة .

هاكونا مطاطا مادز الجميل
你好mads祝你一路平安,中国精细低估防御和蔑视一切, 只要不公正mahazarena每方. 我们所有的荣耀梅内姆一位年轻的人光荣属于埃及所有梅内姆 哦mads我们的兄弟,即使看着他的兄弟hataraf他们不反之亦然,用这一声音高gdaaaaaa
هههههههه
طبعآ فاهم .

شوفت يا وحيد

مادز باعنا فى أول محطة إزاى هههههه
خليك شاهد أول ما سمع إسم المملكة فى الموضوع هرب على الصين
وعلى فكرة أنا كمان هناك ههههه
تحياتى لكم .

إمام الجيل

سعيدة جدآ بوجودك وتشريفك لمدونتى المتواضعة
فعلآ معك حق ، لو عارفين إن لهم شعبية كانوا أعلنوها للعالم كله وللشعب على الملأ ، لكن أنا متوقعة إنه هايكون يوم عالمى بالنسبة لنا قبل منهم لأنى متوقعة إن البدو مش هايسكتوا وهايعملوا ضجة جامدة اليوم دة .
ربنا يسهل ونسمع كل خير .
أشكرك لهذا التواجد الجميل وزيارتك الأولى وأتمنى آلا تكون الأخيرة .
دمت متألقآ أيها المناضل .

بلبلة الجميلة / نبيلة غنيم

لسه فاضل عندنا شوية مقاومة ولسه فينا نفس علشان نقول لأ
مش ممكن نستسلم ونسيبلهم الحكم يورثوة إحنا شعب حر ومش ممكن نسمح إن الديكتاتور يمارس معانا لعبته .
احنا مش فى وسية دى مصر هاتفضل طول عمرها حرة مش بيه ؟لأ بالشباب اللى زى منعم .
ربنا يحميك يا منعم ويفك سجنك ويفك سجنك يا مصر .

شكرآ يا بلابل لوجودك ومساندتك لمنعم ولكلمة الحق .

دمت بكل ود يا قيثارة الحب التى لا تنتهى .

darwen

مرحبآ بزيارتك الأولى

لو ماكنت شوفت مدونتك كنت فهمتك غلط ، لكن ربنا ستر وطلعت مناضل كمان .
تحياتى لك وأشكرك لوجودك الجميل .

الغالية إيمان

كيف الحال ...أنا في فترة امتحانات الشطر الثالث و سأكمل إن شاء الله في 15 مايو الإمتحانات التطبيقية.

بخصوص مقالك هذا فللأسف ليس هنالك ما يقال فكل الكلمات لا تستطيع أن تعبر عن مدى الغضب و الاحتجاج الذين نرفعهما في وجه الظالمين و نقول نعم لحرية لكل مدون مصري معتق ظلما و جورا .

و مبروك يا مبارك افرح و اتهنى بالمحروس ابنك ...و ابقى قابلنا لو اسريح ضميرك...لو عندك ضمير اصلا

------------
خارج التعليق
صديقتي أرجو ان تضيفي مقالا على مدونة رفيق القلم بعنوان " حلا أنا لا اتفق معك"
و تكتفين فقط بنقل التعليق الخاص بي على مقالها بهذا الرابط و هو آخر تعليق بالمقال لحد الأن.


http://halataha.jeeran.com/archive/2007/4/206066.html

شكرا لك على الخدمة و أبلغي مادز السلام.

و لي عودة إن شاء الله

أخى وصديقى الغالى ياسين / رفيق القلم

أين أنت يا صديقى العزيز ؟؟!!!

نفتقدك ونفتقد قلمك ، أتمنى لك التوفيق إن شاء الله بالإختبارات وفى إنتظار عودتك لنا بإذن الله .
لقد قمت بنشر التعليق الخاص بك فى مدونة الصديقة الأستاذة حلا طه .
لكن لا بد من وجودك لمتابعة الحوار .
وإن شاء الله يوصل سلامك لمادز ، وأتمنى أن أجدك بين صفحات مدونتك من جديد أيها الصديق الغالى .

دمت بكل خير أخى الكريم وفى حفظ الله وآمنة .

العزيزة ايمان

الانسان الذي يعيش حاملا هـمـّا نبيلا .. ومبدأ يعتمد الحق طريقا .. هو الانسان الذي يستحق الحياة .. أحترمك جدا جدا لما تحمليه من همّ انساني ووطني .. هذا أجمل ما يزي]ّن الشخص .. خصوصا المرأة ..
بالنسبة لما يجري في مصر .. أنا مستغرب جدا وكأنّ النظام المصري دخل في حرب جديدة مع الأفكار والعقول .. والكارثة .. أ، هذه العقول هي عقول مصلحة وليست مخرّبة .. بل ان العقول المخرّبة يبدو متصالحا معها الى أبعد الحدود ..منذ فترة لا بأس بها أنا أتابع ما يحصل للأخوة المدونين .. عن طريق الصديقة االعزيزة نوارة نجم التي أحييها هنا .. ومدونة الزميل وائل عباس ..وماجرى للصحفي المحترم منعم محمود هو وصمة عار على جبين كل من يدّعي الحرية واحترام حقوق الانسان.. أما عريس الدولة فأقول هنا :
ما احناش كارهينك ..
لكن هارشينك
حا تكـمـّل دينك ..
وتـطـلـّع ديننا ..

أختي العزيزة إيمان ..

أشكرك أولاً على زيارتك لي بمدونتي الجديدة ..

وثانياً .. فشعوبنا العربية .. لها الله عز وجل ..

بالأمس : كانت تعيش حرة كريمة .. بأوطانها .. وأوطان آبابها وجدودها ..
واليوم : لها أن تأكل وتشرب بأوطانها .. ولكن لا تتكلم ..
وغداً : عليها أن تدفع أجرة الهواء الذي تتنفسه والأرض التي تقف عليها .. وربما لا تأكل أو تشرب إلا حينما يؤذن لها ..

بسام البدري

عفواً للتصحيح : آبائها بدلاً من آبابها ..

الاخت الغالية ايمان
الف الف الف مبروك وعقبال ما نشوف اولاده
تحياتى اليك يوسف

الاخت ايمان حسان
.................
اولا اسجل اعجابى بتصميم مدونتك فهو اكثر من رائع ...؛
ثانيا الومك فيما تكتبين واود ان اوجه لك سؤالا : هل انتى شخصية حقيقية ؟؟؟
اشك ؛ لا علينا ....؛ ياايمان انا اتفق معك ان حال البلد يزداد سوءا يوما بعد يوم ؛ هل تعتقدى اننا لانملك الا البكاء والعويل ؛ والذى هو من شيمة الشعوب العربية ؛ تعتقدى اننا - الشعوب - ليس فى ايدينا ثمة حل لهذه الكارثة ؛ هل اصبح استبداد الحاكم يصرع كل حلم فى مهده ؛ واصبحت الارض تخنق صوت اقدامنا ......؛ هل اصبحت كل الالوان سوداء ........ لا اظن - فى ايدينا ان نفعل الكثير ؛ ولا يجوز لنا نحن فئة المثقفون ان نركن الى البكاء على الاطلال اعاتبك معاتبة الاصدقاء وارجو ان تتفهمينى جيدا ؟؟؟
ومش عارف انا ليه شاكك ان انت ولد مستتر فى شخصية بنت هذا الولد كنت على خلاف معه منذ ايام قله؛ ربما استطيع ان ابرهن على ذلك قريبا
لا عليك
تقبلى تحياتى
عماد حمدى

الأخت العزيزة التى لا تخشى فى الله لومة لائم إيمان حسان
أضم صوتى الى صوتك فى كل ما قولتيه ونقول كلنا فى صوت واحد لا لمبارك .. لاللتوريث ..
هناك سؤال يلح عليا من أيام .. لماذا تأخر جمال فى الزواج؟
الإجابة اللى توصلتلها إنه كان يعينى شغال ليل نهار علشان يكون نفسه ويجيب شقة .. ربنا يكون فى عونة برضه
دمتى بكل ود

أختى فى الله عذراً على تلك الغيبه لكن الإمتحانات فى علوم على مدار العام فارجوا تفبل عذرى

الله وحده هو الذى يحكنا وقد يبتلينا بهولاء ليجعلنا نعمل جميعا على إزاحة تلك الغمه..

إن كان قد زوج ولده و جابلوه عمر دياب .. بيقى لو جمال مسك هيمسك الوزاره لمحمد حمائى عشان يقول خلاص بقت عادة نسرق بدون و نخاف من أيه...

الرفيق القادم : محمد شلش

فينك يا ايمان وفين مواضيعك الثوريه الشيقه
شدى حيلك واكتبى موضوع من موضوعاتك الجميله عشان بقالى يومين بشوف مواضيع تسد النفس
افتحى نفسى الله يفتح نفسك

الغاليه إيمان
السلام عليكم و رحمة الله
هذا هو القمع و الإستبداد لأقلام الحق و الشفايفة و الوضوح
وا ماذا أدرج محمود عبد المنعم أمام ما تضطهد به الأنظمة الشعوب
تحاسب على الصغائر و تنسى كبائرها
اللهم فرج كرب سجناء الحق في سجون الحرية
و اشف والد محمود عبد المنعم شفاءا لا يفارق سقما
أختي إيمان أحييك على جرأتك و رؤية لواقع الأمة
أتمنى أن تزوري المقال المختار بمدونة اشتياق الجديدة
http://esteyak.jeeran.com/palestine/archive/2007/5/217351.html
أختك سعاد البدري
أتمنى أن نكون على تواصل بمدنتي الجديدة بمكتوب

مسخرة النعماني أم سخريته أم فلسفة البساطة

http://badd.jeeran.com/archive/2007/5/217767.html

صديقى العزيــز جـــــو

أشكرك لثنائك الطيب وعذوبة كلماتك
مصر للأسف غرقانة فى الفساد ووكبت للحرية ولكل شىء ممكن تتخيلة ، فعلآ النظام عملنا ملطشة ومش كفاية لأ دة كمان عاوز يورثنا بالإكراه مش كفاية إنه بيحكمنا بالإكراة .
حسبنا الله ونعم الوكيل .

شكرآ جو لحضورك الجميل .

دكتور بسام البـــدرى

يا ريت حتى شعوبنا لاقية تأكل وتشرب ، ودى مشكلة تانية ، إن نسبة كبيرة من الشباب فى مصر على سبيل المثال بيعانى من البطالة والغلاء فى الأسعار بنفس الوقت ولو كان موظف وحصل على زيادة فى المرتب تقابلها زيادة فى الأسعار مضاعفة .

فعلآ شعوبنا العربية لها الله .

أشكرك أخى الفاضل لحضورك الذى شرفت به وأتمنى لك النجاح والسؤدد .

أخى الفاضل الذى أعتز بحضورة دومآ / يوســف

أشكرك لتواجدك المتميز والذى شرفت به .
تمنياتى لك بمزيد من النجاح .

دمت متألقآ .

عزيزى عماد

أنا سعيدة جدآ بإن التصميم عجبك والحقيقة أنا هذا تصميم أخى وصديقى الغالى جدآ توووووووف صاحب مدونة (كلمات عاشق) http://ttouf.jeeran.com
(تلومنى فيما أكتب )!!! لماذا ؟؟!!!
هل أنا شخصية حقيقية ؟؟!!
لأنى شااهدت تعليقك فى مدونة ماد فهمك ماذا يعنى سؤالك وأحب أن أؤكد أننى حقآ شخصة حقيقية وأنا غير مادز ولا يوجد وجه شبة بيننا فى أى شىء .
سعيدة جدآ بإعتبارك لى صديقة حتى لو إختلفنا فى وجهات النظر ، وثق أن الأمل فى التغيير موجود بإذن الله لأن هذه قناعتى يا صديقى .
مرحبآ بوجودك دائمآ .
دمت بكل ود .

صديقى وأخى العزيز وإبن مدينتى الإسكندرية الجميلة / محمد حسن

أتمنى إن صوتنا يجد له صدى فى تلك الأجواء الملبدة بالغيوم فى سماء مصرنا الحبيبة .

ههههه كان بيكون مستقبلة فعلآ وقدر يحوش من مصروفة 6 مليون دولار ثمن شقته فى الزمالك .
والسؤال الحقيقى من أين لك هذا يا جيمى ؟؟

أخى الفاضل / محمد شلــش

أتمنى لك التوفيق والنجاح بإذن الله .
محمد حماقى يمكن يطلع عندة ضمير ، على الأقل أحسن من الأربعين حرامى اللى فى عصابة اللى جابه .

أشكرك أخى لتواجدك الطيب وأتمنى لك النجاح والتوفيق .

حمادة الغالى

أتمنى الموضوع الجديد يعجبك ، أنا جايالك فى الطريق علشان أشوف إية اللى سد نفسك ههههه إنتظرنى .

دمت ودام تواصلك الطيب .

أختى الغالية / سعاد البــدرى

كم أسعدنى تواجدك الجميل مثل كلماتك وتعليقاتك الرائعة دومآ بأى مدونة أجد إسمك بها .
ومبارك عليك مدونتك الجديدة وأتمنى تكون البداية موفقة كما إعتادنا على كتاباتك .
اللهم تقبل منك الدعاء وصالح أعمال الخير أيتها الفاضلة .
دمت بكل ود .

جينا الجميلة المرهفة

فى الطريق كى أعرف النعمانى عمل إية ، هو الراجل مش ناوى يجيبها البر ههههه
ربنا يسهل ،لكن لو لقيته عامل عاملة يبقى علينا وعلى ميرفت هى تخلص لنا الموضوع هههه .

الاخت العزيزة/ايمان
اولا انا اسف انى تأخرت كثيرا حتى اكتشف مدونتك العظيمة وان كنتى قد سبقتينى فهذا ينم عن كرم اخلاقك .
احييك على روحك الثورية وغضبتك من الظلم والظالم وانا وان كنت لااتفق مع عبد المنعم فى الفكر او اعارضة الا انى اضم صوتى لكم واعلنها بكل صراحة لا لتكميم الافواة ولا لخنق الحريات.
اما بالنسبة لننوس عين ابوة مش عارف انتم شاغلين دماغكم بة لية واللة انا خايف من القر علية يعنى اية شقة ب6مليون دى اسكان شعبى عندهم
.بس اللى مزعلنى جدا ان بتوع الزمالك ذنبهم اية علشان يسكن عندهم وامن ووجع دماغ لهم ماكان سكن مع الوالد ولا بنى لة غرفتين على سطوح الرئاسة وربنا ريحة من قركم علية وبعدين مين اللى قالكم انة منتظر مبروك منكم . انتى عارفة ان الناس بيقولها لة مبارك مش مبروك . اشكرك على مرورك على مدونتى المتواضعة .
نجم

اه يا اخت ايمان انا مدبوح وانتى كملتى عليه بس انا عندى تعليق بسيط بصرف النظر عن عبدالمنعم وعن ايمن نور والكثير من هولاء واقسم بالله ساقول ما فى قلبى بصراحه رغم انى بحب مبارك وحركه السلام اللى احنا عيشنها منذ توليه الحكم هذاهو السلام الخارجى فين بقى السلام الداخلى احنا محتاجين سلام مع بعض اولا نفسنا بقى فى دم جديد ليس من سلاله مبارك ومبارك يشكر كده ونفسى يموت موته ربه وتكون الناس جميعها راضيه عنه علشان حسابه امام ربه انا مش هقول البلد مليانه حراميه ولا الفساد كل البلاد فيها كده واكثر من كده احنا مش مفروض علينا نقلد امريكا فى كل حاجه ليه ما بنقلدهاش فى نظام الحكم دورتين وليس للحاكم حق الترشيح فى الثالثه عرفه يا ايمان المملكه العربيه السعوديه فى خير ليه علشان العائله المالكه شبعانه وبتوزع الحقوق بين الناس بالتساوى وحكم الله على رقاب كل البشر يا ايمان هل من المعقول ان ابويا اللى جايبنى من صلبه يطردنى من بيتى اللى بنيته بعرقى وشقايا ويكون ليه حق عند مبارك دا مبارك يشكر

تقوم الإدارة المصرية بمنع قناة الزوراء الفضائية من بث برامجها على القمر الصناعي نايل سات رغم استيفائها لكل الشروط التي تسمح لها بذلك... و للضغط عليها و حثها على التراجع عن قرارها الجائر هذا التمس منكم الدخول إلى الموقع التالي: http://almorabet39.jeeran.com
وبعث رسائل تنديد و استنكار لما أقدمت عليه إدارة النايل سات من تمييز و إقصاء تجاه قناة حرة تبث برامج حول عمليات الجهاد و المقاومة التي يخوضها الشعب العراقي البطل ضد الاحتلال الأمريكي و أذنابه.
باستجابتكم السريعة لهذه الدعوة تساهمون في دعم المقاومة العراقية الشريفة و حرية التعبير و الصحافة، و تستنكرون سياسة كم الأفواه و استبعاد الرأي الآخر التي تمارسها جهات مشبوهة في أرجاء وطننا العربي.

ربنا ياخد يا حسنى مبارك يا رب عشان الى انت عاملو فينا دا يعنى دا حتى ابسط مثال ويمكن اهم مثال طوابير العيش الى فى البلاد دى والناس الى بتروح كل يوم من غير عيش دى تاكل منين ؛؛؛ طبعا ما هو انت مش حاسس بحاجه